Aksident trafiku në Gjakovë, tre persona të lënduar
16.8.2018 - 15:12
Tre persona kanë mbetur të lënduar si pasojë e një aksidenti në fshatin Gërgoc të Gjakovës.
Zëdhënësja e policisë në rajonin e Gjakovës, Lirije Podrimaj tha për KALLXO.com se aksidenti ka ndodhur rreth orës 13:30.
“Policia menjëherë ka dalë në vendin e ngjarjes ku kanë proceduar vendin e ngjarjes në të cilin ishin të përfshira dy automjete udhëtarësh dhe si pasojë janë shkaktuar dëme të mëdha materiale ndërsa tre persona janë lënduar lehtë”, tha Podrimaj për KALLXO.com
