MTI, OEK dhe Dogana e Kosovës nënshkruajnë memorandum për të promovuar portalin e tregtisë

Oda Ekonomike e Kosovës (OEK) dhe Ministria e Tregtisë dhe Industrisë (MTI) dhe Dogana e Kosovës gjatë ditës së sotme  kanë nënshkruar Memorandum Bashkëpunimi për të promovuar portalin për tregti “Udhëzuesi i Tregtisë Ndërkombëtare”.

Kjo platformë është lansuar në shkurt të këtij viti përkrahur nga projekti regjional të USAID-it për RRER (Rritja Ekonomike Regjionale)- Komponenta për lehtësimin e Tregtisë.

Sipas ministrisë së Tregtisë qëllimi i këtij portali është  që t’iu ofroj ndihmë biznesmenëve kosovarë.

“Udhëzuesi për Tregti Ndërkombëtare ka për qëllim të ndihmojë eksportuesit dhe importuesit e mallrave dhe shërbimeve në Kosovë për të kryer transaksione ndërkombëtare të tregtisë. Është një udhëzues i mirë edhe për kompanitë e huaja që konsiderojnë tregtinë me Kosovën dhe ofron informacione me rëndësi për ta”, thuhet në komunikatën e MTI-së.

Sekretar i Përgjithshëm në Ministrisë së Tregtisë dhe Industrisë, Burim Rreci, tha se përmes kësaj platforme kompanitë do të marrin informacionet e nevojshme. “Bashkëpunimi jonë institucional tregon qartë për gatishmërinë e Kosovës për rritjen e transparencës, veçanërisht në aspektin e tregtisë. Ne në kuadër të këtij projekti, kemi identifikuar për herë të parë lejet e dhe licencat e nevojshme që lëshuara nga autoritetet Kosovare në fushën e tregtisë, të cilat gjinden në këtë portal”, tha Rreci.

Sipas njoftimit të MTI-së, memornadumi i sotëm do të ndihmoj në rritjen e besueshmërisë së kompanive

“Memorandumi i nënshkruar sot parasheh bashkëpunimin në përditësimin e të dhënave ekzistuese, plotësimin e saj me të dhëna të reja dhe promovimin e kësaj platforme me qëllim që të rritet besueshmëria e kompanive në lidhje me informacionin e ofruar në të. Bashkëpunimi parasheh edhe shkëmbimin e zyrtarëve dhe ekspertëve me qëllim ngritjen e kapaciteteve institucionale në kuadër të komponentës për lehtësimin e tregtisë.”, thuhet tutje në njofim.