Betim Reçica-Hera e Tretë në Rastin Limaj
Betim Reçica në vitin 2008 ishte zyrtar prokurimi në ish-Ministrinë e Transportit dhe Postë-Telekomit.
Reçica u pyet nga prokurori në lidhje me një tender të pastrimit dhe mirëmbajtjes së rrugëve, të cilin tha se e ka fituar një kompani nga Gjilani, ngase ishte më e lira.
Reçica tha se nuk i kujtohet në sa tenderë ka marrë pjesë si anëtar, apo kryetar i komisionit për vlerësimin e tyre.
“Unë kam marrë pjesë në shumë raste qoftë si kryetar i komisionit apo si anëtar i komisionit vlerësues të tenderëve, mirëpo nuk e di me numër, pasi që kam marrë pjesë në shumë raste,” tha dëshmitari.
Reçica mohoi se dikush ka ushtruar ndikim te ai, kur u ka takuar këtyre komisioneve.
“Gjatë kohës sa unë kam marrë pjesë në procesin e vlerësimit asnjëherë nuk ka ushtru ndikim dikush te unë,” tha Reçica.
Reçica në gjykimin e Limajt dhe të tjerëve dëshmoi edhe më 6 dhe 13 janar.
http://kallxo.com/perseri-zyrtari-i-prokurimit-ne-gjykimin-e-limajt/
Më 6 janar ai foli për procedurat e tenderimit në MTPT.
http://kallxo.com/nje-zyrtar-prokurimi-ne-gjykimin-e-limajt/
Limaj po akuzohet për shpërdorim detyre dhe krim të organizuar në kohën sa drejtonte ish-Ministrinë e Transportit dhe Postë-Telekomunikacionit.
Në procesin e njëjtë me Limajn për të njëjtat akuza nga Prokuroria Speciale e Kosovës po ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Suka.
Seanca e radhës e këtij procesi gjyqësor u caktua për nesër.
Më 30 tetor Limaj aktakuzën e konsoliduar në të cilën janë bashkuar lëndët MTPT1 dhe 2 e quajti të ngritur me urdhër politik.
http://kallxo.com/fatmir-limaj-kjo-aktakuze-eshte-ngritur-me-urdher-politik/