Zoran Vukotiq Sot në Gjykatë

Zoran Vukotiq akuzohet për krime lufte ndaj popullatës civile gjatë vitit 1999.

Prokuroria Speciale e Republikës së Kosovës e akuzon Zoran Vukotiqin për krime lufte kundër popullatës civile.

Në seancën e sotme, njëri nga dëshmitarët është Sami Rrustemi.

Sipas aktakuzës, i akuzuari në mes datave 2 dhe 3 maj 1999, në kapacitetin e tij si zyrtar policor rezervist nga stacioni i policisë në Vushtrri në bashkëkryerje me pjesëtarë të tjerë nga radhët e forcave serbe, mori pjesë në  sulmin ndaj popullatës civile shqiptare, e cila po udhëtonte në kolonë nga fshati Studime e Epërme në Studime të Poshtme.

Gjatë kësaj kohe, sipas aktakuzës, popullata civile në  mënyrë të qëllimshme i ishte nënshtruar vrasjeve brutale dhe të paligjshme, trajtimit johuman, vuajtjeve të pafundta, dëbimit, si dhe aplikimit të masave të terrorit.

Në  mesin e këtyre civilëve të  vrarë, plagosur dhe të trajtuar në  mënyrë johumane për të cilët i akuzuari bart përgjegjësi direkte ose në bashkëpunim me të tjerë ishin: Ekrem Mulaku, Xhavit Mulaku, Fatmir (Ahmet) Gërxhaliu, Eshref Rashica, Adnan Bunjaku, Ademi, një  14 vjeçar i paidentifikuar, Haki Ademi, Shaip Gërxhaliu dhe Musa Gërxhaliu.

Ky gjykim ishte paraparë të mbahej edhe me 5 nëntor, por nuk ishte mbajtur për shkak se dy dëshmitarët të cilët kishin qenë të ftuar për të dhënë dëshminë e tyre nuk ishin paraqitur në gjykatë.

KALLXO.com e ka ndjekur vazhdimisht gjykimin kundër Vukotiqit dhe dëshmitarët kanë rrëfyer tmerret e përjetuara nga i akuzuari në kohën e luftës.

http://kallxo.com/deshmitari-ende-kam-dhimbje-nga-rrahjet-prej-zoran-vukotiqit/

http://kallxo.com/shperthejne-ne-lote-deshmitaret-ne-rastin-e-vukotiqit/