Pallati i Rinise
Zhbllokohet Vendimmarrja për Pallatin e Rinisë
Vendimi i Qeverisë për Pallatin e Rinisë merr rrugën për në Kuvend.
Vendimi i Qeverisë i datës 22 dhjetor të 2017 lidhur me Ndërmarrjen “Qendra shoqërore sportive, kulturore dhe ekonomike Pallati i Rinisë” iu është rekomanduar Kuvendit.
Me 5 vota pro dhe një kundër, Komisioni për Zhvillim Ekonomik, Infrastrukturë, Tregti dhe Zhvillim Rajonal i ka dhënë dritën e gjelbër këtij vendimi për Kuvend.
Kundër këtij vendimi ishte vetëm deputetja e PDk-së, Sala Berisha- Shala, e cila kërkonte dokumente shtesë para se të merrej një vendim nga Komisioni.
Në rast se gjen mbështetje nga deputetët, Pallati i Rinisë do t’i kalojë në menaxhim Komunës së Prishtinës, kërkesë të cilën e ka përsëritur shpesh administrata aktuale e komunës.
“Komuna e Prishtinës e ka për detyrë të menaxhoj këtë ndërrmarrje dhe t’i nisë investimet e duhura për ta bërë atë një qendër sic i ka hije Kryeqytetit’, tha Dardan Molliqaj, deputet i vetëvendosjes, pas miratimit të këtij vendimi.
Mos procedimi i këtij vendimi nga komisioni për në Kuvend ishte parë si i qëllimshëm.
Votimi i këtij vendimi ishte shtyrë për të premten në mungesë të dokumentacionit.
http://kallxo.com/ne-mungese-te-dokumentacionit-shtyhet-votimi-per-pallatin-e-rinise/
Në muajin tetor të vitit të kaluar kryeministri Ramush Haradinaj i kishte bërë kërkesë AKP-së t’ia rikthejë Pallatin e Rinisë Komunës së Prishtinës.
http://kallxo.com/haradinaj-kerkese-akp-se-pallati-rinise-ti-rikthehet-komunes-se-prishtines/
Vendimin e kryeministrit Haradinaj e kishte përshëndetu kreu i Komunës së Prishtinës Shpend Ahmeti.
http://kallxo.com/ahmeti-pershendet-vendimin-e-haradinajt-per-pallatin-e-rinise/
Me 22 dhjetor, Qeveria mori vendim që Pallatin e Rinisë t’ia kthej Komunës së Prishtinës.
http://kallxo.com/qeveria-ia-kthen-komunes-pallatin-e-rinise/