Vuçiq thotë se është 'i fiksuar’ me Kosovën

Presidenti serb Aleksandar Vuçiq tha për gazetën Financial Times se Kosova “e fikson” atë dhe se ai nuk do të shndërrohej në një version serb të Viktor Orbanit.

Presidenti serb Aleksandër Vuçiq ka thënë se zgjidhja e çështjes së ish-krahinës së Kosovës është “fiksimi” i tij, në një intervistë me London Financial Times.

“Pa zgjidhjen e këtij problemi, gjithçka që kam arritur deri më tani nuk do të jetë e qëndrueshme. Kriza e parë do të na vrasë,” tha Vuçiq në intervistën e botuar të martën.

Lideri serb nuk detajoi se si donte që problemi të zgjidhej, por përsëriti besimin e tij të fortë se e ardhmja e Serbisë është në BE.

Duke iu përgjigjur shqetësimeve se Serbia brenda BE-së do të ishte “një tjetër Hungari” dhe se ai mund të kthehej në një tjetër Viktor Orban – i cili zbatoi rregullat e BE-së për të fituar anëtarësimin vetëm për ta sulmuar atë nga brenda – Vuçiç e hodhi poshtë fuqimisht këtë krahasim të mundshëm si “99 për qind gjepura”.

Ai e hodhi poshtë edhe nocionin se ai mund të bëhet një shtyllë e pestë për Vladimir Putinin në Europë, duke thënë se ai i kishte thënë gjithmonë presidentit rus se “Serbia mbetet në rrugën e saj drejt BE-së”.

Gazeta theksoi se Serbia po vihet gjithnjë e më shumë nën presion nga BE-ja për të përcaktuar se çfarë lloj zgjidhjeje kërkon me Kosovën, duke shtuar se Perëndimi e shikon fjalimin serb të një ndarjeje “jo si një fillim”, pasi kjo “do të hapte kutinë e Pandorës të debateve të kufijve brenda rajonit”.

Në të njëjtën kohë, tha gazeta, çdo formë njohjeje e Kosovës do të ishte e vështirë në Serbi dhe do të shkaktonte kundërshtime të mëdha nga Kisha Ortodokse Serbe, Patriarku Irinej i të cilës tha për Financial Times në të njëjtin artikull se ndërsa amerikanët dhe europianë “dëshirojnë të na e marrin Kosovën, ne nuk do ta japim Kosovën me asnjë kusht. Ne jemi europianë. Jemi pro anëtarësimit në BE, por jo nëse çmimi që duhet të paguajmë për këtë është Kosova.”