Foto: Ilustrim
Vrasje në Tentativë në Prishtinë e Gjilan
Një person është qëlluar me armë zjarri në këmbë nga një person i dyshuar.
Ngjarja ka ndodhur në Prishtinë dje rreth orës 04:45.
Në vendin e ngjarjes Policia ka gjetur dhe ka konfiskuar tri gëzhoja.
Viktima është dërguar për tretman mjekësor në QKUK, ndërsa i dyshuari gjendet në arrati.
Një rast i vrasjes në tentativë ka ndodhur edhe në Gjilan.
Sipas raportit të Policisë, rasti ka ndodhur dje rreth orës 17:54.
I dyshuari ka shtënë me armë zjarri në drejtim të një kafiterie, ku ka qëlluar viktimën i cili ka qenë në kafiteri.
Viktimës i është ofruar tretman mjekësor dhe pastaj është liruar.
I dyshuari është larguar me veturë nga vendi i ngjarjes.
Njësiti policor ka arrestuar tre persona, të cilët janë intervistuar në cilësinë e të dyshuarve, ndërsa në vendin e ngjarjes janë gjetur edhe disa gëzhoja të armës.
Janë konfiskuar edhe dy vetura të personave të dyshuar, ndërsa me urdhër të prokurorit tre të arrestuarit dërgohen në mbajtje.