Vozitje e Rrezikshme në Autostradë

Një video e ardhur nga një qytetar në KALLXO.com gjatë dhjetorit shfaq vozitjen me shpejtësi të madhe dhe në kah të gabuar në Autostradën “Ibrahim Rugova”.

Në këto xhirime shihet se si një makinë me ngjyrë të kuqe thuajse “fluturon” nëpër autostradë,ndërsa përballë saj në shiritin e duhur lëviz një kamion.

Nuk është hera e parë që dikush “e humb rrugën” në autostradë.

Po në dhjetor në KALLXO.com erdhën edhe xhirime tjera të një makine të bardhë që voziste në drejtim të kundërt gjithashtu me shpejtësi të madhe.

http://kallxo.com/vozitje-ne-anen-e-kundert-ne-autostrade-ibrahim-rugova/

Fimime të një makine që voziste në shiritat e gabuar në KALLXO.com erdhi edhe në tetor.

http://kallxo.com/ne-drejtim-te-kundert-ne-autostrade/

Gjithashtu, më 24 tetor, një video e dërguar në KALLXO.com tregonte se si vetura e policisë po lëvizte në autostradë pa drita të ndezura gjatë orëve të natës.

http://kallxo.com/policia-vozit-pa-drita-ne-autostrade/

Gjatë dy ditëve të fundit policia raportoi për një varg aksidentesh në të cilat në pjesë të ndryshme të Kosovës vdiqën 3 persona.

Në gjashtë muajt e parë të vitit 2016, sipas Policisë së Kosovës, kanë humbur jetën 50 persona si pasojë e aksidenteve në trafik.

Policia e Kosovës së fundmi ka ashpërsuar gjobat për vozitësit që i shkelin rregullat e komunikacionit me synim për uljen e numrit të aksidenteve në trafik.

http://kallxo.com/majori-shpjegon-ligjin-e-ri-te-trafikut/

Shpejtësia maksimale e lejuar në pjesën më të madhe të autostradës “Ibrahim Rugova” është 130 kilometra në orë.