Aksidenti mbrapa Teatrit Kombëtar.
Vetura godet këmbësoren në Prishtinë
20.4.2018 - 14:35
Një veturë taksie ka goditur një këmbësore në rrugën “Agim Ramadani” në Prishtinë mbrapa Teatrit Kombëtar.
Aksidenti ka ndodhur rreth orës 14.
Në vendin e ngjarjes është parë ambulanca e cila e ka marrë këmbësoren për trajtim të mëtejmë mjekësor.
Një qytetar ka dërguar në KALLXO.com fotografi nga aksidenti.
Zëdhënësi i Policisë për rajonin e Prishtinës, Agron Borovci, tha se viktima e këtij aksidenti është dërguar për trajtim mjekësor.
“Aksidenti ka ndodhur sot rreth orës 14:05, ku një veturë ka goditur një këmbësore. Këmbësorja është dërguar në emergjencë, policia po merret me rastin”, tha Borovci për KALLXO.com.