Azem Syla pasi i është dorëzuar Policisë së Kosovës - Foto: KALLXO.com
Vendimi për Azem Sylën Merret Nesër
29.4.2016 - 18:30
Ish komandanti i UÇK-së dhe ish deputeti i PDK-së, Azem Syla, do ta kalojë natën në qendër paraburgimi.
Syla i cili u dorëzua sot tek organet e rendit, ka dalë pasdite para gjykatësit të procedurës paraprake, ndërsa vendimi për masën e sigurisë ndaj tij pritet të merret nesër.
“Prokurori ka kërkuar masën e paraburgimit ndërsa unë e kam kundërshtuar këtë masë”, tha Tomë Gashi, avokat i Azem Sylës, pas përfundimit të seancës së sotme në gjykatë.
Azem Syla dhe një grup prej rreth 50 personash dyshohet se janë pjesë e një grupi kriminal që janë marrë me tjetërsim të pronave shoqërore në Veternik dhe Çagllavicë.