Vala Tregon Kur do ta Heqë Kodin +381 nga Telefonia Fikse
Posta dhe Telekomi i Kosovës ka njoftuar se nga 24 marsi, qytetarët e Republikës së Kosovës duhet të përdorin kodin Shtetëror të Kosovës +383 për telefonin fikse.
“ Ju informojmë se nga 24 mars, prefiksi+381 i telefonisë fiks do të jetë i pamundur. Tani duhet të përdoret kodi +383”, thuhet në njoftimin e Postës dhe Telekomit të Kosovës.
Kodi Shtetëror i Kosovës +383, është lansuar edhe për telefonit mobile në muajin shkurt, në kuadër të 10 vjetorit të Pavarësisë së Kosovës.
Kodi +383 që pritet të funksionalizohet përfundimisht më 30 qershor të këtij viti. Kosova kishte siguruar kodin e saj shtetëror pas nënshkrimit të marrëveshjes pako, ndërmjet Kosovës dhe Serbisë më 25 gusht në Bruksel, ku ishte përfshirë edhe çështja e telekomunikacionit.