Presidenti turk, Recep Tayyip Erdogan, në Parlamentin e Turqisë - Foto: REL/Reuters

Turqia zgjat gjendjen e jashtëzakonshme

Parlamenti i Turqisë votoi sot për të zgjatur gjendjen e jashtëzakonshme në këtë vend edhe për tre muaj të tjerë.

Me këtë veprim, Turqia do të qeverisë me ligje emergjente për plot dy vjet.

Gjendja e jashtëzakonshme është vendosur pas përpjekjes për grusht shtet kundër qeverisë, më 15 korrik të vitit 2016.

Parlamenti turk është i dominuar nga Partia për Drejtësi dhe Zhvillim e presidentit Recep Tayyip Erdogan.

Me ligjet emergjente, mbi 50,000 njerëz janë arrestuar dhe rreth 150,000 të tjerë kanë humbur punën, nën akuzat se kanë pasur lidhje me organizatorët e përpjekjes për puç.

Gjendja e jashtëzakonshme i jep qeverisë pushtet gjithëpërfshirës për të sunduar me dekret.

Opozita në Turqi vazhdimisht ka kërkuar t’i jepet fund kësaj gjendjeje. (REL)