Flamuri turk - Foto: REL/AFP
Turqia Mund ta Zgjasë Gjendjen e Jashtëzakonshme
17.4.2018 - 18:47
Këshilli për Siguri Kombëtare i Turqisë ka rekomanduar që të zgjatet gjendja e jashtëzakonshme edhe për tre muaj.
Ky rekomandim i këshillit me gjasë do të miratohet nga Parlamenti turk.
Që prej grushtit të shtetit të dështuar të korrikut të vitit 2016, Turqia ka miratuar gjashtë herë vendosjen e gjendjes së jashtëzakonshme, raporton Reuters.
Ankaraja zyrtare e akuzon klerik Fethullah Gulen se qëndron prapa puçit të dështuar. Ky i fundit mohon çdo përfshirje në këtë rast. (REL)