Trump Akuzon Kinën dhe Rusinë për Zhvlerësim të Monedhës

Presidenti amerikan, Donald Trump ka akuzuar Rusinë dhe Kinën për zhvlerësim të monedhave derisa Shtetet e Bashkuara rrisin normat e interesit.

“Rusia dhe Kina janë duke luajtur lojën e Zhvlerësimit të Monedhës derisa SHBA-ja rrit normat e interesit. E papranueshme!”, ka thënë Trump përmes një postimi në Twitter.

Departamenti amerikan i Thesarit përmes një raporti të gjashtëmujorit të parë, është frenuar në përdorimin e emrave për partnerët e mëdhenj tregtarë lidhur me këto manipulime, meqë është duke tentuar të negociojë deficitin e madh tregtar që ka aktualisht me Kinën. (REL)