Pamje nga një aksident i mëparshëm i trenit - Foto: KALLXO.com
Treni Godet një Qytetar
21.3.2017 - 20:22
Një aksident i rëndë ka ndodhur rreth orës 19:15 afër Stacionit të Trenit në Prishtinë.
Zëdhënësja e Policisë, Florie Ahmeti-Haziraj, tha për KALLXO.com se një qytetar është goditur nga një tren në lëvizje në rr. “Tirana”, në kryeqytet.
Sipas zëdhënëses, personi i goditur nga treni është i gjinisë mashkullore.
“I njëjti është dërguar për tretman mjekësor në QKUK”, tha ajo për KALLXO.com.
Njësitet policore kanë dalë në vendin e ngjarjes me të marrë informacionin, tha Florie Ahmeti-Haziraj.