Treni Aksidentohet me Kamionin

Në fotografitë e dërguara nga një qytetar në KALLXO.com shihet se si kamioni është rrokullisur pas përplasjes me trenin.

Sipas fotografive, kamioni i aksidentuar është me tabela të huaja.

Po ashtu shihet se Policia është në vendin e ngjarjes.

Policia e Kosovës e ka konfirmuar këtë aksident që ka ndodhur në rrugën “Pajazit Islami”, në Fushë-Kosovë.

“Ka ndodhë një aksident mes një kamioni dhe treni në Fushë-Kosovë. Nuk ka të lënduar”, ka thënë për KALLXO.com zëdhënësi i Policisë, Bajram Krasniqi.