Termokos “Vishet Trash” për Dimrin e Prishtinës

Sipas Shpend Ahmetit, kapaciteti është rritur sa për të kyçur 80 mijë banorë të kryeqytetit për ngrohje qendrore

Këtë vit pritet të ketë furnizim të rregullt me ngrohje por ekzistojnë edhe përgatitjet për skenarët më të këqij.

NDËRLIDHUR

Kështu u tha sot në Termokos gjatë një vizite të kryetarit të Komunës së Prishtinës, Shpend Ahmeti.

Ushtruesi i detyrës së kryeshefit ekzekutiv të Termokosit Arsim Fetahu premtoi furnizim të rregullt me ngrohje.

“Ne jemi të gatshëm që të filloj sezona e ngrohjes me 15 tetor si është e paraparë me rregulloren e zyrës së rregullatorit dhe ligjit për ngrohje dhe nuk presim ndonjë problem të theksuar, përkundrazi presim që kjo sezonë të jetë shumë më e mirë sepse kyçja e bllokut B2 jo vetëm që ka rrit kapacitetetin prodhues por edhe siguron operim më të qëdnrushem me ngrohje” tha Fetahu.

Kryetari i Komunës së Prishtinës Shpend Ahmeti tregoi se kur mund të bëhet zgjerimi i rrjetit të koogjenerimit.

“Për vitin e ardhshëm kemi siguruar një financim për zgjerimin e rrjetit ne i kemi të kyçur përafërsisht 60 mijë banorë, dhe kemi tash kapacitet që t’i kyçim 90 mijë”, tha Ahmeti.

Ahmeti shpalosi edhe një tjetër ide. Sipas tij, në periudhën 2017-2020 po shihet mundësia që të sigurohet uji i nxehtë përmes ngrohtores në mënyrë që të mos përdoren bojlerët dhe të kursehet energjia.

Ndërsa tha se çmimi për faturën e ngrohjes do të mbetet i njëjtë pasi që Komuna dhe Termokosi duhet të kthejnë kreditë e marra për projektin e koogjenerimit.

23 Shtator 2015 - 15:17

Paulina Nushi 23/09/2015 - 15:17
NDËRVEPRIMI0

Termokos “Vishet Trash” për Dimrin e Prishtinës

by Kallxo
NA NDIQNI