Rektorati i Universitetit të Prishtinës | Foto KALLXO.com
Studentët Kundër Shkurtimit të Shumës së Bursës
05.1.2018 - 08:26
Organizata studentore “Reforma” sot nëpërmjet një konference për media do të shprehë shqetësimin pas vendimit të Këshillit Drejtues të Universitetit të Prishtinës për uljen e vlerës së bursës studentore që ndan UP për studentë të dalluar nga 900 euro në 500 euro.
Sipas njoftimit, konferenca do të mbahet para rektoratit të UP-së, duke filluar nga ora 13:00.
Esat Kelmendi, Sekretar i Përgjithshëm në UP kishte thënë se një prej arsyeve për këtë vendim është ulja e të hyrave që universiteti merr nga pagesat e studentëve që shkakton kufizime buxhetore për këto bursa.
Në një vendim të datës 27 dhjetor thuhet se bursat që do t’u shpërndahen studentëve për vitin akademik 2017/2018 do të jenë në shumën 500 euro./21Media