Rektorati i Universitetit të Prishtinës | Foto KALLXO.com
Studentët Kërkojnë Rritje Sistematike të Bursës
Studentë të Universitetit të Prishtinës nga organizata studentore Reforma Studentore’, janë shprehur të kënaqur tani për tani me shumën e bursës 600 euro, raporton KALLXO.com
Megjithatë, sipas Kryetarit të ‘Reformës Studentore’, Shkumbin Bytyqi, studentët nuk do të jenë të kënaqur derisa shuma e bursës të kthehet në 900 euro, sa kishte qenë vite më parë.
“Ne kemi arritur qëllimin tonë që K.D i UP-së ta kthej në rishqyrtim vendimin dhe të merr vendimin e ri për të rritur bursat. Ne si organizatë dhe si studentë të UP-së kemi pranuar qe vlera e bursës të rritet sistematikisht ashtu siç ka rënë në vitet e fundit në mënyre sistematike”, tha Bytyqi për KALLXO.com.
Ditën kur vendimi për uljen e bursave u rishqyrtua nga Këshilli Drejtues i UP-së, disa studentë kishin protestuar përmes këngëve në oborrin e rektoratit.
http://kallxo.com/studentet-muzike-kerkojne-rritje-te-bursave/
Në anën tjetër, Ministri Bytyqi të premten mori vendim për shkarkimin e anëtarëve të emëruar të MASHT-it në UP.
http://kallxo.com/ministri-shkarkon-anetaret-e-masht-ne-bordin-e-se/