Ministri i Brendshëm i Serbisë, Nebojsha Stefanoviq - Foto: REL

Stefanoviq: Serbia Nuk do t’i Vërë Kurrë Sanksione Rusisë

Ministri i Brendshëm i Serbisë, Nebojsha Stefanoviq tha se vendi i tij nuk do t’i vendosë kurrë sanksione Rusisë dhe as nuk do ta njohë kurrë pavarësinë e Kosovës.

Ai i bëri këto komente gjatë shqyrtimit të projektligjit për sistemin e planifikimit në Kuvendin e Serbisë.

“Falë (presidentit serb) Aleksandar Vuçiq, i cili e ka thënë këtë shumë herë, as kjo Qeveri as ky shtet nuk i vë sanksione Federatës Ruse”, tha Stefanoviq, për të shtuar se Vuçiq ka fuqi politike për të vendosur diçka të tillë, duke qenë i vetëdijshëm edhe për pasojat.

Perëndimi i ka vënë sanksione Rusisë për shkak të ndërhyrjes në zgjedhjet në Shtetet e Bashkuara si dhe për rolin e saj në konfliktin në Ukrainë.

Javën e kaluar, Departamenti amerikan i Thesarit ka vënë sanksione të reja mbi disa magnatë rusë të lidhur me presidentin rus, Vladimir Putin. (REL)

16 Prill 2018 - 15:29

REL 16/04/2018 - 15:29
NDËRVEPRIMI0

KRYESORE

Prishtina Insight
NA NDIQNI

Send this to a friend