Shtyhet Gjykimi i Shënjestruar për Liberalizim të Vizave

Çështja penale kundër 8 të akuzuarve për krim të organizuar, njëherit njëra nga lëndët kusht për liberalizim të vizave është shtyrë në ditën e sotme.

Ky proces gjyqësor i cili vetëm se ishte afër marrjes së epilogut, tani më do të rinisë me shqyrtim gjyqësor.

Kjo pasi që kryetari i trupit gjykues i mëhershëm, Elmaz Zenuni, është transferuar në Gjykatën Themelore në Ferizaj.

Procesi gjyqësor i cili vetëm se mjaft është prolonguar tani më, u shty përsëri në mungesë të avokates së njërit nga të akuzuarit kur parashihej të

Bëhet fjalë për Emine Bajramin, avokate e të akuzuarit Skender Sinani.

“Ne e kemi përmbushur obligimin tonë, kemi kërkuar nga Oda e Avokatëve dhe kemi bërë caktimin, kemi dhënë vendimin dhe kemi dërguar ftesën dhe e njëjta është në dijeni”, komunikoi në gjykatore gjykatësi Hamdi Ibrahimi.

Edhe avokati i të akuzuarit Isa Dërguti, Hafir Bytyqi, kërkoi që të seanca të shtyhet, me arsyetimin se nuk i posedon shkresat e lëndës, rrjedhimisht nuk ka informacion për lëndën.

Avokatit Bytyqi shtoi se nuk i janë kaluar shkresat e lëndës nga avokati i mëparshëm Hasan Jashari, i njëjti nuk është në gjendje që të lëshohet në shqyrtimin gjyqësor prandaj kërkoi nga gjykata që shqyrtimi fillestar të shtyhet në pritje të pajisjes së shkresave të lëndës nga kolegu i tij.

Gjykata mori aktvendim që në mungesë të mbrojtëses së të akuzuarit Skender Sinani, avokates Emine Statovci, gjykata konstatoi se nuk janë plotësuar kushtet për mbajtjen e shqyrtimit gjyqësor.

Shqyrtimi gjyqësor në këtë çështje penale u caktua për në muajin prill.

Në këtë proces gjyqësor janë Blerim dhe Skender Sinani, Sabit e Ramadan Sogojeva, Mentor Emini, Isa Dërguti, Samir Sinanaj dhe Enver Hasani

Pjesë e këtij procesi gjyqësor ishte edhe i akuzuari Fatmir Sinani, por që për të është veçuar procedura.

Sipas aktakuzës, Blerim, Skender dhe Fatmir Sinani, Isa Dërguti, Samir Sinanaj, Ramadan e Sabit Sogojeva, Enver Hasani dhe Mentor Emini, duke funksionuar si grup i organizuar në periudhën kohore 2010-2014, me qëllim që vetes t’i sjellin pasurim të drejtpërdrejt financiar, i kanë regjistruar bizneset e tyre, disa prej tyre fiktive.

Aktakuza sqaron se për t’iu shmangur pagesës së tatimit të akuzuarit kanë lëshuar fatura fiktive dhe ua kanë mundësuar edhe bizneseve të tjera shmangien nga tatimi.

Në bazë të aktakuzës, disa nga bizneset të cilave u janë lëshuar faturat fiktive nga të akuzuarit në fjalë janë: “Asi” SH.P.K, “Lesa” SH.P.K, dhe NTP “Besa” me pronar të akuzuarin Blerim Sinanin, NTP. “Skenda” dhe “Vali-2” pronar i të cilave është i akuzuari Skender Sinani, “Konto-Web” me pronar të akuzuarin Isa Durguti, “O and M” me pronar të akuzuarin Mentor Emini, “Banana” me pronar Enver Hasanin e shumë kompani të tjera.

Të akuzuarit e këtij procesi për krim të organizuar në lidhje me dokumente të rreme për tatimin qenë deklaruar të pafajshëm në qershor 2016.