Qendra për të Moshuar | Foto: Komuna e Prishtinës
Shpend Ahmeti Përuron Qendrën e të Moshuarve
23.3.2018 - 16:13
Kryetari i komunës së Prishtinës Shpend Ahmeti ka përuruar Qendrën e të Moshuarve.
Ky objekt ndodhet në vendin ku dikur ishte Qendra nr.1 e Mjekësisë Familjare.
“Një qendër e tillë është bërë për herë të parë në Prishtinë, si pilot-projekt dhe nëse funksionon si ide do të hapen edhe dy të tjera”, thuhet në njoftimin e komunës.
Qendra ka kapacitet për 60-65 persona dhe ka hapësira të ndryshme për pushim e socializim.
“Brenda qendrës janë edhe këndet e leximit, këndet e lojërave, këndet për punë dorë, këndet e pushimit, si dhe hapësirat e veçanta për përcjelljen e kanaleve televizive”, njofton komuna.
Që nga java e ardhshme, qendra do të jetë e hapur dhe do të mund të shfrytëzohet nga të moshuarit.