Gjykata e Apelit, Prishtinë | Foto: Kallxo.com
Shpallet i Pafajshëm Zyrtari i Universitetit të Prizrenit
Gjykata e Apelit e ka shpallur të pafajshëm zyrtarin për buxhet dhe financa të Universitetit të Prizrenit Halim Hazirajn që akuzohej për shpërdorim detyre.
Gjykata Themelore në Prizren më 16 nëntor 2016 e kishte dënuar me 1 vit burg me kusht Hazirajn, ndërsa pjesë e këtij procesi gjyqësor ishin edhe ish-rektori i Universitetit të Prizrenit Mazllum Baraliu dhe ish-sekretari i përgjithshëm i këtij institucioni Adem Sallauka.
Ditën kur Haziraj qe dënuar me kusht, Baraliu e Sallauka, të akuzuar po për keqpërdorim të detyrës zyrtare, ishin liruar.
http://kallxo.com/mazllum-baraliu-shpallet-pafajshem/
Gjykata e Apelit që në seancën e kolegjit të mbajtur më 22 maj shpalli të pafajshëm Halim Hazirajn, ua vërtetoi pafajësinë edhe Baraliut e Sallaukës.
Sipas aktakuzës, Baraliu, Sallauka e Haziraj, akuzoheshin se prej muajit tetor 2011 deri në tetor 2013 duke shfrytëzuar detyrën zyrtare dhe autorizimet e tyre nuk i kanë përmbushur detyrat zyrtare duke i shkaktuar dëm profesorit të Universitetit Enver Sopjani, të cilit ia kishin shkëputur marrëdhënien e punës.
Përkundër se i dëmtuari kishte kontratë pune si profesor të lëshuar nga Universiteti i Prizrenit, prej datës 10.06.2011 deri me 09.06.2014, të akuzuarit pasi ia kishin ndërprerë kontratën akuzoheshin se nuk e kishin zbatuar vendimin e Ministrisë së Arsimit i cili është definitiv në procedurë administrative.
KALLXO.com në vazhdimësi ka raportuar për këtë rast.
http://kallxo.com/mazllum-baraliu-e-quan-veten-mik-te-gjykates/
http://kallxo.com/gjykimi-zyrtareve-te-universitetit-te-prizrenit-nis-prej-fillimit/