Vendi ku u vra Oliver Ivanoviqi - Foto: KALLXO.com

Serbia i Kthen Përgjigje Kosovës për Rastin e Vrasjes së Ivanoviqit

Ministria e Drejtësisë e Kosovës ka marrë përgjigje në dy kërkesa nga pesë sa u janë dërguar autoriteteve serbe në lidhje me rastin e vrasjes së Oliver Ivanoviqit.

Ministri i Drejtësisë, Abelard Tahiri e ka konfirmuar për KALLXO.com marrjen e përgjigjeve në kërkesat e dërguara.

“Nga 5 kërkesa që i kemi përcjellë tek autoritetet serbe, nga prokurorët e rastit Ivanoviq deri më tani kemi marrë përgjigje në dy prej tyre dhe kemi ripërsërit kërkesën tonë për tri kërkesat e hershme që të kthejnë përgjigje në lidhje me kërkesat qe ua kemi dërguar”, tha Tahiri.

Më 9 shkurt KALLXO.com ka raportuar në lidhje me informatat që Ministria e Drejtësisë u ka dorëzuar autoriteteve të Serbisë, përmes Zyrës së Përfaqësuesit Special të BE-së në Kosovë, për rastin e vrasjes së Oliver Ivanoviq.

http://kallxo.com/abelard-tahiri-keto-jane-informatat-qe-jane-derguar-serbise-per-vrasjen-e-ivanoviqit/

Politikani serb, Oliver Ivanoviq, u vra më 16 janar para zyrës së partisë së tij në Mitrovicën e Veriut.

http://kallxo.com/zyrtare-vdes-oliver-ivanoviq/

Autorët e kësaj vrasjeje ende nuk dihen.