Ana Brnabiq. Foto: Beta/Darko Vojinovic.

Serbia e Ndarë për Kryeministren e Emëruar nga Vuçiq

Emërimi i një kryeministri fuqishëm pro BE-së ka ndarë klasën politike të Serbisë, me disa që e kanë mirëpritur atë, të tjerët duke e denoncuar - dhe të tretë duke e quajtur emërimin e saj të parëndësishëm.

Nëse, siç pritet, parlamenti i Serbisë konfirmon Ana Brnabiq si kryeministre të re të vendit, Serbia do të ketë një kryeministër të orientuar fuqimisht pro BE-së.

NDËRLIDHUR

“Puna që ka filluar duhet të përfundojë – dhe unë kam qenë e përkushtuar në muajt e fundit për ta futur Serbinë në radhët e atyre shteteve moderne në të cilat administrata publike punon në mënyrë efikase dhe në shërbim të qytetarëve”, tha Brnabiq për agjencinë serbe të lajmeve Tanjug të enjten, duke shtuar se ajo do të angazhohet personalisht për të punuar në qëllimet “që janë më të mëdha dhe më të rëndësishme se të gjithë ne në mënyrë individuale”.

Ajo është e njohur gjerësisht për pikëpamjet e saj pro BE-së. Një eksperte jopartiake, ajo ishte gjithashtu ministrja e parë e LGBT-së në Serbi.

Bojan Klaqari, drejtor i Qendrës për Zgjedhje të Lira dhe Demokraci, CESID, tha për BIRN se zgjedhja e Presidentit Aleksandër Vuçiq ishte e pritur dhe logjike, pasi Brnabia është dikush me të cilën ai mund të bashkëpunojë qartë.

“Si kryeministre, Brnabiq nuk do të jetë dominuese në çështjet politike, kështu që çështjet e rënda politike si marrëdhëniet Serbi-Kosovë dhe çështjet e jashtme do të jenë ende në duart e Vuçiqit”, shpjegoi Klaçari.

Klaçar tha se ishte mirë që Serbia të kishte një kryeministër të ri që do të ishte fuqishëm pro BE-së. Gjatë kohës së “ish-presidentit serb Tomisllav Nikoliq, mungoi një angazhim i fortë dhe i qartë ndaj BE-së” theksoi ai.

Presidenti Nikoliq njihej më mirë për mbështetjen e marrëdhënieve të ngrohta me Rusinë dhe presidentin e saj Vladimir Putin, i cili, siç tha Nikoliq në mars të vitit 2016, “i di të gjitha sekretet e mia”.

Partia Liberale Demokratike e opozitës të enjten ndërkohë tha se shpresonte që Brnabiq do të “priste nyjën gordiane” në rajon dhe do të distanconte Serbinë nga Rusia, ndër të tjera.

Megjithatë, Partia Demokratike e opozitës e hodhi poshtë emërimin e saj si tërësisht të parëndësishëm. “Informacioni mbi emrin e kandidatit për të formuar qeverinë e re është plotësisht i parëndësishëm, sepse Vuçiq është i vetmi që vendos fatin e kombit”, tha kreu i demokratëve, Dragan Shutanovac.

Boban Stojanoviq, nga Fakulteti i Shkencave Politike të Beogradit, u pajtua që Vuçiq do të mbajë pjesën më të madhe të fuqisë së vërtetë politike.

“Emërimi i saj do t’i sjellë vëmendje ndërkombëtare Vuçiqit, por ajo nuk ka ndonjë ndikim mbi ministrat e tjerë, kështu që ai do të mbajë kontrollin”, tha Stojanoviq.

Ai shtoi se zgjedhja e një kandidati jo partiak si Brnabiq për kryeministre mund të krijonte probleme për Vuçiqin në partinë e tij.

“Do të jetë shumë e vështirë për t’u shpjeguar anëtarëve të Partisë Progresive dhe votuesve të tyre se pse ai e ka emëruar atë, pasi ajo nuk është anëtare e partisë, as nuk do të jetë”, tha ai.

Në janar, Brnabiq konfirmoi se ajo nuk do të bëhej anëtare e Partisë Progresive apo ndonjë partie tjetër, pasi ajo nuk ndjeu asnjë besim të vërtetë në partitë politike.

Megjithatë, të enjten ajo fitoi mbështetjen e një zyrtari të lartë progresiv, Zorana Mihajloviq, i cila gjithashtu është e njohur për qëndrimin e saj pro BE-së.

Ivica Daçiq, kreu i partisë më të vogël të koalicionit, Partia Socialiste e Serbisë, tha se ai e respektoi zgjedhjen e Vuçiqit – por do të kërkonte “pjesëmarrje më të madhe” nga partia e tij në qeveri.

Megjithatë, Dragan Markoviq, kreu i një partneri tjetër të vogël të Progresistëve, Serbia e Bashkuar, tha për Tanjug të enjten se Brnabiq nuk do të ishte kryeministre e tij.

Partia nacionaliste Dveri e krahut të djathtë ndërkohë kërkoi të dijë nga Vuçiq nëse Brnabiq ishte zgjedhja e tij ose “zgjedhja e Perëndimit”.

“Askush nuk e di se kush është Ana Brnabiq, apo cilat janë qëndrimet e saj politike, përveç se ajo ka punuar për kompanitë e huaja dhe OJQ-të gjatë gjithë jetës dhe është arsimuar në Perëndim”, tha Dveri në një njoftim për shtyp.

Një lëvizje tjetër e djathtë, Nasi, e pyeti Vuçiqin nëse Brnabiq ishte rekomanduar për shkak të “orientimit seksual ose nga Perëndimi”.

Konfirmimi i zgjedhjes së Vuçiqit ka gjasa të shkojë pa probleme. Partia Progresive ka shumicë absolute në parlament, madje pa votat e partnerit më të vegël të koalicionit si Serbia e Bashkuar.

16 Qershor 2017 - 11:14

Kallxo 16/06/2017 - 11:14
NDËRVEPRIMI3

Serbia e Ndarë për Kryeministren e Emëruar nga Vuçiq

by Kallxo
NA NDIQNI

Send this to a friend