Seanca e 1 Shtatorit Shtyhet për Një Orë e Gjysmë
29.8.2016 - 15:22
Seanca ku pikë e rendit të ditës është marrëveshja e demarkacionit me Malin e Zi është shtyrë për një orë e gjysmë, sipas një njoftimi të Kuvendit të Kosovës.
Njoftimi saktëson se pse është bërë kjo shtyrje.
“Arsyeja e shtyrjes është pjesëmarrja e përfaqësuesve të Kuvendit të Kosovës në ceremoninë e ndërrimit të Komandës së KFOR-it,” thuhet në njoftimin e Kuvendit.
Sipas njoftimit seanca është shtyrë me pajtim të anëtarëve të Kryesisë së Kuvendit të Kosovës.