Ceremonia e 48 vjetorit të UP-së | Foto: KALLXO.com
Rektori Dema: Krenohuni me Universitetin e Prishtinës
Rektori Marjan Dema në ceremoninë e 48 vjetorit të Universitetit të Prishtinës tha se duhet të krenohemi me këtë universitet.
“Sot ejani dhe shiheni vizionin e Universitetit të Prishtinës ‘Hasan Prishtina’. Ejani dhe krenohuni, sepse sot edhe përkundër vështirësive kemi arritur në zhvillim”, tha Dema.
Ai krenarinë me UP-në e lidhi me rangimin më mirë të këtij universiteti në ranglistën e institucioneve të arsimit të lartë.
Në ranglistën e Ëebometrics të publikuar në janar Universiteti i Prishtinës u rendit në vendin 3320, duke përmirësuar pozitën e tij për 618 vende në raport me rangimin e muajit korrik.
http://kallxo.com/universiteti-i-prishtines-rangohet-me-lart-ne-ranglisten-e-webometrics/
Dema tha se këto ditë po shënohen tre përvjetorë- 550 vjetori i vdekjes së Skënderbeut, 10 vjetori i Pavarësisë së Kosovë dhe 48 vjetori i themelimit të UP-së.
Zëvendësministri i Arsimit Arbër Geci tha se përvjetori i Universitetit të Prishtinës “ëzhte moment i veçantë për të kujtuar sakrificën dhe mundin e gjithë brezave të tërë”.
Ai e cilësoi kthesë për vendin themelimin e universitetit 48 vjet më parë.
“Themelimi i Universitetit të Prishtinës ishte momenti i kthesës për vendin tonë”, tha Geci.
Ai deklaroi se derisa kujtojmë gjithë ata rektorë, prorektorë, mësimdhënës e fanarë të dijes akoma ka nevojë për fuqizimin e Universitetit të Prishtinës.
Kuvendi i Kosovës më 15 shkurt 1970 mbajti mbledhje solemne në të cilën themeloi zyrtarisht Universitetin e Prishtinës.