Kryeministri shqiptar, Edi Rama - Foto: Atdhe Mulla
Rama: Vota për Demarkacionin, e Vonuar por Kuptimplotë
21.3.2018 - 19:26
Kryeministri i Shqipërisë, Edi Rama përmes një postimi në “Facebook” ka thënë se vota për Demarkacionin është e vonuar por kuptimplotë për Kosovën.
“Super, vota për demarkacionin një votë e vonuar, por kuptimplotë për Kosovën si shtet që dëshmon seriozitet në angazhimet e veta”, ka shkruar Rama.
Ai më tej ka shtuar se tani Bashkimi Europian t’i përmbahet pa vonesë angazhimit të vet.
“Liri lëvizjeje pa viza në Europë për qytetarët e Kosovës”, ka përfunduar Rama.