Ragip Begaj, kryetar i komunës së Malishevës. Foto: Atdhe Mulla

Ragip Begaj Sot Del Para Gjykatës

Sot mbahet seancë gjyqësore në Gjykatën Themelore të Gjakovës ndaj kryetarit të komunës së Malishevës.

Kryetari i komunës së Malishevës, Ragip Begaj, do të dalë sot para gjykatës në rastin ndaj tij që ka të bëjë me akuzën për keqpërdorim të detyrës zyrtare apo autoritetit zyrtar.

Seanca e dytë në rastin ndaj tij do të mbahet në Gjykatën Themelore të Gjakovës.

Më 17 dhjetor të vitit të kaluar, Prokuroria Speciale e Kosovës kishte ngritur aktakuzë ndaj Begajt pasi që dyshohet se gjatë muajve qershor – gusht të vitit 2014 në cilësinë e personit zyrtar ka shpërdoruar pozitën zyrtare dhe autorizimet e tij, me qëllim që një të dëmtuari t’i shkaktojë dëm, duke ia shkelur të drejtat nga marrëdhënia e punës.

Prokuroria pretendon se edhe pse i dëmtuari kishte kontratë të lidhur me Drejtorinë e Arsimit deri me 01.10.2015 si drejtor i shkollës fillore të mesme të ulët ‘Ganimete Tërbeshi’ në fshatin Astrazub, i pandehuri me dashje dhe me dijeni ka hapur konkurs pa ia ndërprerë më parë marrëdhënien e punës të njëjtit, duke e lënë pa vend pune dhe të ardhura për jetën.

http://kallxo.com/aktakuze-per-keqperdorim-detyre-ndaj-ragip-begajt/

22 Shkurt 2016 - 09:27

Lekë Muqaj 22/02/2016 - 09:27
NDËRVEPRIMI0
Prishtina Insight
NA NDIQNI

Send this to a friend