Qytetarët-Kontribut Dytësor për Arrestimet
Policia pati premtuar se do të japë 10 mijë euro për informata në lidhje me sulmin në Kuvend, por arrestimet e djeshme i konsideron fryt të punës së saj.
Në një konferencë për gazetarë të zhvilluar sot, zyrtarë policorë u pyetën nga KALLXO.com nëse ia kishin dhënë shpërblimin e premtuar prej 10 mijë eurove ndonjë qytetari për informata të mundshme.
Drejtori i Drejtorisë Kundër Terrorizmit Fatos Makolli, duke mos iu përgjigjur direkt kësaj pyetje, kontributin e qytetarëve në lidhje me arrestimet e djeshme e vlerësoi të rëndësishëm, por jo kryesor.
Drejtori i Drejtorisë Kundër Terrorizmit Fatos Makolli, Time Code 16:03-16:13
Qytetarët kanë dhënë kontribut dytësor që ka qenë jo pak i vlefshëm dhe procedurat tjera do të jenë varësisht prej rrjedhës së hetimeve,” tha Makolli.
Makolli bëri të ditur se të dyshuarit për sulmin në Kuvendin e Kosovës janë kapur më shumë në saje të punës policore.
10 mijë euro ka qenë shpërblimi për qytetarët të cilët japin informacione, informacione këto që të orientojnë tek kryerësit e veprës penale, por në këtë rast e gjithë puna është kryer bazuar në grumbullimin dhe mbledhjen e fakteve nga dëshmitë fizike në bazë të punës policore dhe në bazë të aktiviteteve që janë të përcaktuara në Kodin e Procedurës Penale përmes masave të fshehta”, tha Makolli.
Gjashtë persona u arrestuan dje, nën dyshimin për sulmin në Kuvendin e Kosovës më 4 gusht.