Mbledhja e qeverisë | Foto: KALLXO.com
Qeveria në Detyrë Ndan 200 Mijë Euro për Aeroportin e Gjakovës
Në mbledhjen e sotme të qeverisë në detyrë ndërmarrjes Aeroporti i Gjakovës i janë ndarë 200 mijë euro.
Kërkesën për ndarjen e këtyre mjeteve në mbledhjen e qeverisë e paraqiti ministri në detyrë i Financave Avdullah Hoti.
Aeroporti i Gjakovës për mbulimin e shpenzimeve financiare të sigurisë dhe nevojave tjera emergjente kishte kërkuar 400 mijë euro.
Në këtë aeroport ende nuk ka ndodhur ndonjë fluturim, por ndërmarrja është formuar pasi KFOR-i italian që e shfrytëzoi për nevoja të veta aeroportin, la pajisjet e tij kur u largua nga kjo hapësirë.
Edhe në tetor të vitit të kaluar qeveria kishte ndarë 30 mijë euro për këtë aeroport.
http://kallxo.com/30-mije-euro-per-aeroportin-e-gjakoves/
Kryeministri në detyrë Isa Mustafa dy herë gjatë këtij viti e vizitoi këtë aeroport, duke e konsideruar aset tëp rëndësishëm.
http://kallxo.com/mustafa-premton-mbeshtetje-per-aeroportin-e-gjakoves/
Para dy vjetësh Gazeta Jeta në Kosovë kishte shkruar se bordi i ndërmarrjes Aeroporti i Gjakovës është i politizuar.
Kjo gazetë kishte bërë edhe një reportazh para tri vjetësh për pritjet e gjakovarëve nga ky aeroport.