Punëtorët e Gjyqësorit në Grevë?

Sindikata e punëtorëve të Judikaturës së Kosovës është në fazën përfundimtare të konsultimeve lidhur me hyrjen në grevë.

Lajmin për Kallxo.com e konfimoi kryetari i sindikatës Asllan Rusinovci i cili tha tha se greva është e pashmangshme ndërsapërmendi  tri kërkesa të punëtorëve .

“Kërkesa e parë ka të bëjë me rritjen e pagave për punëtorët e  judikaturës ( jo gjyqtarët dhe prokurorët por admnistratën) sepse rritja e paralajmëruar prej vetëm 4% është e papranueshme. Kërkesa e dytë ka të bëjë me ndryshimin e koeficientit të pagave nga Këshilli Gjyqësor i Kosovës,  ku nuk janë përfshirë të gjithë punëtorët por vetëm kategori të caktuara dhe kërkesa e tretë ka të bëjë me mbulimin e shpenzimeve të udhëtimit për punëtorët”, tha ai.

Rusinovci tha se sot kanë një takim në Bashkimi i Sindikatave të Pavarura të Kosovës dhe sot ose nesër do të merret një vendim.