Kryetari i Kuvendit, Kadri Veseli - Foto: Facebook
Presidenti Uron Kryetarin e Kuvendit
Lajm të mirë dhe hap të domosdoshëm për Kosovën e ka quajtur presidenti i vendit, Hashim Thaçi, zgjedhjen e kryetarit dhe të nënkryetarëve të Kuvendit.
Në një postim në profilin e tij në “Facebook”, Thaçi ka thënë se vendin e presin shumë sfida, “të cilat me një kulturë politike dhe debat demokratik duhet të gjejnë zgjidhje pikërisht në Kuvend”.
“Uroj kryetarin Kadri Veseli dhe nënkryetarët për emërimin e tyre dhe ftoj kryesinë e re, si dhe të gjithë deputetët që të bashkëpunojnë në temat që janë strategjike për të ardhmen e Kosovës dhe të fëmijëve tanë”, ka shkruar presidenti Thaçi.
Ndryshe, në seancën e sotme të Kuvendit të Kosovës është zgjedhur kryetari dhe nënkryetarët e Kuvendit.
Kjo ishte përpjekja e shtatë për konstituimin e Kuvendit që nga seanca e 3 gushtit kur deputetët e zgjedhur në zgjedhjet e 11 qershorit e dhanë betimin.
Kandidati i koalicionit PAN-AKR, Kadri Veseli, u zgjodh me 62 vota, ndërsa kundër tij ishin 52 deputetë.
http://kallxo.com/kadri-veseli-zgjedhet-kryetar-kuvendit/