Pamje nga Peja
Policia Kërkon Pronarin e Parave të Humbura
Policia e Kosovës njofton se më 18 dhjetor rreth orës 16:25, një qytetar ka lajmëruar në polici se në qendrën tregtare ”Meto Bajraktari” në Pejë, kishte gjetur një kartëmonedhë.
Kartëmonedhën qytetari e ka dorëzuar në Policinë e Pejës.
Sektori i hetimeve ka siguruar incizimet nga kamerat e sigurisë së qendrës tregtare “Meto Bajraktari”, ish “Shtëpia e Mallrave“ dhe në incizime vërehet kur një personi të gjinisë mashkullore nga portofoli në dysheme i bie kartëmonedha.
Policia kërkon që personi që i humbën paratë të paraqitet në Stacionin Policor të Pejës për të marrë kartëmonedhën që i ra.
“Me qëllim që personit në fjalë t‘i kthehen paratë e humbura, kërkojmë që përmes mjeteve elektronike dhe të shkruara të informohet opinioni lidhur me çështjen dhe të paraqitet pranë këtij stacioni policor për t’i marrë paratë e humbura me datën e cekur më lartë“, thuhet në njoftimin e policisë.