Policia Jep Detaje për Aksidentin në ‘Rrugën B’

Policia ka dhënë detaje për aksidentin që ndodhi sonte në “Rrugën B”, në Prishtinë, në të cilin siç raportoi KALLXO.com më herët u përfshinë katër vetura.

Sipas Policisë, në këtë aksident të rëndë komunikacioni janë 6 persona të lënduar.

“Janë 6 të lënduar në aksident. Por, sipas mjekëve të lënduarit janë jashtë rrezikut për jetën”, tha për KALLXO.com komandanti i Trafikut Regjional të Prishtinës, Milaim Fejzullahu.

Sipas majorit Fejzullahu, mosha e të lënduarve është ndërmjet 20 e 60 vjeç.

“Aksidenti dyshohet se ka ndodhur pasi njëri nga automjetet duke lëvizur nga Bregu i Diellit në drejtim të Qendrës ka humbur kontrollin dhe ka goditur automjetin para tij dhe si pasojë janë përfshirë edhe dy automjete të tjera”, shtoi komandanti i Trafikut regjional.

http://kallxo.com/aksident-i-rende-ne-rrugen-b-ne-prishtine-disa-te-lenduar/

KALLXO.com ofroi fotografi ekskluzive nga vendi i ngjarjes.