Policia Franceze Vret Rrëmbyesin Terrorist

Një sulmues besohet të ketë vrarë tre persona gjatë një pengmarrjeje në një supermarket në Trebe, në jug të Francës.

Autoritetet kanë thënë se situata e pangmarrjes ka të ngjarë të jetë “akt terrorist” pasi që sulmuesi pretendon ti përket Shtetit Islamik.

Ministri i Brendshëm francez, Gerard Collomb tha se rrëmbyesi, i cili u vra sot në qytetin Treb në jug të Francës, ka vrarë dy persona dhe ka plagosur disa të tjerë.

Përfaqësuesi rajonal i Bashkësisë policore franceze, Bruno Bartoseti ka thënë për media se rrëmbyesi ishte i njohur më parë për policinë dhe ka origjinë marokene, i cili paraprakisht kishte qëlluar në kokë një qytetar në Carcasson.

Shteti Islamik nëpërmjet një komunikate të postuar në internet, mori përgjegjësinë për vrasjen e tre personave në qytetet franceze Carcasson dhe Treb. Reuters shkruan se personi i armatosur e mori në fillim një automjet, duke shtënë ndaj policisë dhe më pas rrëmbeu pengjet në supermarket, duke bërtitur “Alahu Akbar”.

Rrëmbyesi i cili është qëlluar për vdekje nga forcat policore franceze, kërkonte lirimin e Salah Abdeslamit, të dyshuarit të vetëm të mbijetuar nga sulmet e 13 nëntorit të vitit 2015 në Paris, ku mbetën të vrarë 130 persona.