Pjesëmarrja e Shqipërisë në Lojërat Islamike Shkakton Mospajtime

Atletët shqiptarë do të garojnë në maj për herë të parë në lojërat e organizuara nën kujdesin e Organizatës së Bashkëpunimit Islamik - por disa shqiptarë thonë se një vend laik europian nuk ka vend në një ngjarje të tillë.

Atletët shqiptarë do të marrin pjesë për herë të parë në lojërat e këtij viti Solidariteti Islamik, të cilat zhvillohen në Baku të Azerbajxhanit në maj të këtij viti.

NDËRLIDHUR

Kjo është hera e parë që atletët nga vendi do të garojnë në lojërat të cilat përfshijnë atletë nga vendet anëtare të Organizatës së Bashkëpunimit Islamik, OBI, pas një vendimi nga Komiteti Olimpik Kombëtar i Shqipërisë, KOKSH.

Ndërsa shumica e njerëzve në Shqipëri janë myslimanë, shumë shqiptarë mendojnë se si një shtet laik europian që synon të bashkohet me BE-në, anëtarësimi në një organizatë të tillë nuk është i përshtatshëm.

Paskal Milo, historian, politikan dhe ish-ministër i jashtëm, tha për BIRN se ai nuk u pajtua me përfshirjen e Shqipërisë në aktivitetet e OKI-së.

Ai beson se ndërsa Shqipëria duhet të respektojë vendet islamike dhe të bashkëpunojë në mënyrë bilaterale për çështje të caktuara, ajo nuk duhet të jetë nën ombrellën e një organizate islamike haptazi.

“Unë kam besuar gjithmonë se vendimi për të marrë pjesë në OKI është një nga ato më të këqija që Shqipëria ka marrë që nga rënia e komunizmit”, tha ai.

“Çdo veprim që përfshin Shqipërinë më tej në organizim dërgon një mesazh të gabuar te aleatët dhe partnerët tanë europianë dhe amerikanë, duke vënë në dyshim përkatësinë tonë dhe orientimin europian”, përfundoi ai.

Atletët shqiptarë do të garojnë në shtatë nga 22 kategoritë sportive të lojërave në Baku – ngjarja e katërt e tillë që po ndodh pas të parës të mbajtur në vitin 2005 në Arabinë Saudite.

“Ne kemi miratimin e Ministrisë së Jashtme dhe Ministrisë së Sportit”, tha për televizionin Top Channel të hënën, Stavri Bello, sekretar i përgjithshëm i KOKSH-it.

“Ne do t’i dërgojmë atletët tanë atje për të kontribuuar në bashkëpunimin midis kombeve” shtoi ai.

Ish Presidenti shqiptar, Sali Berisha futi Shqipërinë në OKI me dekret presidencial në vitin 1992, por çështja mbetet e diskutueshme në mesin e politikanëve dhe shumicës së intelektualëve të vendit.

Organizata e themeluar në vitin 1969, e cila e quan veten “zë kolektiv i botës myslimane”, përbëhet nga 57 vende me popullsi dërrmuese myslimane.

Piro Misha, një studiues i shquar për nacionalizmin dhe kulturën, tha për BIRN se anëtarësimi i Shqipërisë në këtë organizatë doli kundër kushtetutës së vendit, vlerat e tij laike dhe idesë së bashkëjetesës fetare [Shqipëria ka komunitete të mëdha katolike dhe ortodokse].

“Unë e shoh pjesëmarrjen e sportistëve shqiptarë në këto lojëra krejtësisht të papërshtatshme, nuk e kuptoj pse kjo ftesë u pranua”, tha ai.

Ai gjithashtu beson se anëtarësimi i Shqipërisë në OKI nuk është plotësisht e vlefshme, pasi deputetët nuk votuan për këtë çështje.

“Ne kurrë nuk votuam për këtë dekret [presidencial] në parlament dhe një vend nuk mund të jetë anëtar i një organizate të këtij lloji dhe të marrë përgjegjësi në qoftë se parlamenti nuk ka votuar për anëtarësim”, tha ai.

“Unë e shoh Shqipërinë duke vepruar si një shtet skizofrenik që disa nga vendimet që merr kjo organizatë janë kundër aspiratave tona perëndimore”, përfundoi ai.

01 Mars 2017 - 15:49

Fatjona Mejdini, BIRN 01/03/2017 - 15:49
NDËRVEPRIMI0

Pjesëmarrja e Shqipërisë në Lojërat Islamike Shkakton Mospajtime

by Kallxo
NA NDIQNI

Send this to a friend