Përzgjidhen Kryetarët e Gjykatave të Kosovës

Përveç gjykatave të Prishtinës dhe Pejës, të cilat do të kenë kryetarë të rinj, ajo e Prizrenit, Ferizajt dhe Gjakovës do të drejtohen nga kryetarët aktualë. Kryetari i Gjykatës së Apelit dhe i Gjykatës së Gjilanit nuk janë përzgjedhur ende.

Këshilli Gjyqësor i Kosovës ka përmbyllur sot procesin e përzgjedhjes së kandidatëve për kryetar të gjykatave të Kosovës.

NDËRLIDHUR

Përveç Afërdita Bytyqit, e cila do ta udhëheqë Gjykatën Themelore të Prishtinës, në krye të Gjykatës së Ferizajt edhe për një mandat do të jetë Bashkim Hyseni.

Ndërsa, Kreshnik Radoniqi do të jetë kryetar i ri i Gjykatës Themelore të Pejës.

Sa i përket Gjykatës së Prizrenit atë do ta drejtojë kryetari aktual i saj, Ymer Hoxha.Edhe Gjykatën Themelore të Gjakovës do ta udhëheqë kryetari aktual Vaton Durguti.

Lajmin për KALLXO.com e konfirmoi Nehat Idrizi, kryesues i Këshillit Gjyqësor të Kosovës.

KALLXO.com na vazhdimësi ka raportuar për procesin e përzgjedhjes së kandidatëve për kryetar të gjykatave.

Ndërsa, ende nuk është vendosur se kush do të jetë kryetar i Gjykatës së Apelit dhe i Gjykatës Themelore të Gjilanit.

Kandidatë me Masë Qortimi në Garën për Kryetarë të Gjykatave

Publikohet Lista e Kandidatëve për Kryetarë të Gjykatave në Kosovë

Shpallet Konkurs për Kryetarë të Gjykatave

20 Dhjetor 2016 - 22:06

Labinot Leposhtica 20/12/2016 - 22:06
NDËRVEPRIMI0