PDK-ja Vet e Teta në Listën e Përbashkët të Kandidatëve
Partia e Drejtësisë, Alternativa Demokratike e Kosovës, Lëvizja për Bashkim, Partia e Republikanëve, Partia Konservatore, Partia Liberale dhe Partia e Ballit janë subjektet që i janë bashkangjitur Partisë Demokratike të Kosovës në koalicionin parazgjedhor.
Edita Tahiri, nga Alternativa Demokratike e Kosovës, tha se do të vazhdojë të bashkëpunojë me PDK për të bashkuar idealet për Kosovën.
“ Është një kënaqësi për ne për mua dhe partinë tonë që po vazhdojmë partneritetin tonë. Partneritet ynë është tashmë 1 dekadë ndoshta është edhe për ta festuar por ajo që na ka bashkuar janë idealet për kombin dhe shtetin”, tha Tahiri.
Faton Kurti, nga Partia e Republikanëve të Kosovës, tha se së bashku me PDK do të bëjnë një Kosovë më të mirë.
“Ne jemi parti konservatore, e re në Ballkan. Do ta bëjmë një Kosovë më te mirë”, tha Kurti.
Valon Murati, nga Lëvizja për Bashkim tha se partneriteti duhej vazhduar pasi së bashku me PDK-në koalicionin e kaluar kanë bashkëpunuar shumë mirë.
“Ne e kemi konsideru që në mandatin e kaluar në koalicionin e kaluar kemi pasur një partneritet korrekt dhe kemi vlerësu se duhet ta ruajmë këtë korrektësi”, tha Murati.
Ndër partitë nënshkruese të koalicionit me PDK-në ishte edhe Partia e Drejtësisë e Ferid Aganit i cili po përballet me një aktakuzë në gjykatë në skandalin e quajtur ‘Stentat’.
http://kallxo.com/koalicioni-pdk-se-partine-e-njeriut-aktakuze-per-aferen-stentat/