Pa kuorum për votimin e rekomandimeve për 'Raportin e Progresit'
20.4.2018 - 19:21
Pas seancës së jashtëzakonshme, ku deputetët diskutuan për raportin e progresit, u dhanë edhe rekomandimet për qeverinë, të cilat nuk u votuan në mungesë kuorumi.
Pasi deputetja e Vetëvendosjes, Fitore Pacolli lexoi 10 rekomandimet e bëra nga VV dhe LDK, kryesuesi i seancës, Xhavit Haliti tha se të njëjtat do të votohen një seancë tjetër.
“S’ka kuorum. Rekomandimet në seancën tjetër për tu miratuar”, tha ai.
10 rekomandimet e Vetëvendosjes dhe LDK-së:
- Të fillojmë një dialog të brendshëm për të ndërtuar një strategji shtetërore për rrugën që duhet të ndjekim drejt integrimit evropian.
- Qeveria brenda 30 ditëve duhet të përcjellë në kuvend një plan të veprimit për të adresuar të gjeturat e raportit të vendit.
- Hapat urgjent në depolitizimin e administratës publike, duke filluar me bordet e ndërmarrjeve dhe agjencitë e publike
- Në përputhje me kriteret e kapitujve 23 dhe 24 të hartohet plani aksional për sundimin e ligjit dhe plotësimi i legjislacionit me miratimin e ligjet anti mafia dhe konfiskimin e pasurisë së paligjshme.
- Krijimi i vendeve të reja të vendeve të punës përmes investimeve direkte në zhvillimin e prodhuesve vendor, duke pasuar me miratimin e ligjit për mbrojtjen e prodhuesit vendor.
- Sigurime shëndetësore për qytetarët e Kosovës
- Investimet në hapjen e çerdheve të nevojshme nëpër komuna dhe investime në shkolla profesionale, ndërlidhjen me nevojat e tregut vendor e ndërkombëtar.
- Plan veprimi për vendosjen e raporteve të mira me 5 vendet që nuk e ka në njohur Kosovën dhe plan veprimi për thellimin e marrëdhënieve bilaterale me vendet e BE-së që e kanë njohur Kosovën.
- Pastrimi i listave për listave të veteranëve dhe plotësim ndryshimi i ligjit për veteranët e UCK-së.
- Hartimi i një plani të detajuar nga kuvendi, ku kërkon nga qeveria që çdo 6 muaj të raportojë për implementimin e rekomandimeve.
Raporti i Progresit ende nuk është përkthyer në gjuhën shqipe.