Pistoletë - Foto: PK
Një granatë dhe një pistoletë i gjenden një 78 vjeçi
26.4.2018 - 15:11
Policia në Skenderaj pas një urdhër kontrolli në një shtëpi ka gjetur armë dhe fishekë.
Policia ka njoftuar se urdhër-kontrolli është realizuar mbi bazën e dyshimeve për posedim të armës, ku gjatë kontrollit ka gjetur dhe konfiskuar një pistoletë, dy karikatorë dhe 23 fishekë.
Në këtë shtëpi është gjetur edhe një granatë.
“Gjithashtu, tek i njëjti është gjetur edhe një granatë dore me siguresë, ku njësia përkatëse e FSK-së për deminim ka tërhequr mjetin e dyshuar të pashpërthyer”, thuhet në njoftimin e policisë.
Policia ka arrestuar të dyshuarin H.A., 78 vjeçar, i cili dyshohet se ka pasur në posedim armën dhe dëshmitë e tjera.
I arrestuari pas procedurave intervistuese, me urdhër të prokurorit është liruar në procedurë të rregullt.