Marrëveshja me Korporatën e Sfidave të Mijëvjeçarit | Foto: Facebook

Nënshkruhet Marrëveshja për 49 Milionët nga Amerika

Presidenti Thaçi nënshkroi marrëveshjen me Korporatën e Sfidave të Mijëvjeçarit nga e cila Kosova përfiton 49 milionë dollarë.

Udhëheqësi në detyrë i Korporatës së Sfidave të Mijëvjeçarit Jonathan Nash nënshkroi marrëveshjen me Presidentin Thaçi për ndarjen e 49 milionë dollarëve nga kjo korporatë për Kosovën.

NDËRLIDHUR

Kosova paratë nga Amerika do t’i përdorë për efiçiencë energjie, ambient dhe sundim të ligjit.

Nënshkrimin e marrëveshjes me Korporatën e Sidave të Mijëvjeëarit Thaçi e cilësoi një faqe të re në raportet mes Amerikës dhe Kosovës.

“Marrëveshjen investuese që e nënshkruam me udhëheqësin në detyrë të MCC-së, Jonathan Nash, prej 49 milionë dollarëve në Uashington, do të hapë një faqe të re të marrëdhënieve ndërmjet Kosovës dhe SHBA-së, të fokusuara në zhvillimin ekonomik dhe sundimin e ligjit”, shkroi Thaçi në Facebook.

Ai marrëveshjen më tutje e cilësoi një mjet të ri shumë të fuqishëm të mbështetjes për qytetarët e Kosovës.

Thaçi pastaj falënderoi Amerikën për ndihmën, ndërsa i bëri thirrje qeverisë të punojë që kjo marrëveshje të jetë arsye për festë.

Nënshkrimin e marrëveshjes e kishte paralajmëruar ish-kryeministri në detyrë Isa Mustafa më 31 gusht.

Në Shtator Marrëveshja për 50 Milionët nga Amerika

Gazeta Jeta në Kosovë në dhjetor të vitit të kaluar kishte zbuluar se Kosova nga Korporata e Sfidave të Mijëvjeçarit në fillim ishte kualifikuar për Programin Compact, por më pas kishte rënë në një shkallë më të ulët – në Programin “MCC Threshold”, për shkak të mos-luftimit të korrupsionit.

Korrupsioni ia Humb Kosovës Milionat e Premtuara nga Amerika

Nga Programi Compact shteti i Nepalit përfitoi 500 milionë euro.

Në arsyetimin e Korporatës së Sfidave të Mijëvjeçarit për mjetet e ndara Nepalit, thuhet se qeveria e këtij shteti tregoi përkushtim të fuqishëm për sundim të ligjit, të drejta demokratike dhe investim në njerëzit e saj.

13 Shtator 2017 - 11:54

Bekim Muhaxheri 13/09/2017 - 11:54
NDËRVEPRIMI0