Në Drejtim të Kundërt, në Autostradë

Një veturë është parë sot duke ecur në shirit të gabuar në autostradë. Ngjarja ka ndodhur rreth orës 17:00 në pjesën e autostradës në afërsi të Lebanes, Prishtinë.

Në videon e dërguar nga një qytetar në KALLXO.com shihet vetura Golf 2 duke ecur me shpejtësi të madhe në drejtim të kundërt të rrugës ndërsa përballëkalohet nga vetura tjera.

Javën e kaluar, në autostradën Tiranë- Durrës humbën jetën katër veta pasi një veturë kishte hyrë në drejtim të kundërt të rrugës.