Rreziqet që Sjell Gërhitja për Trurin

Personat që gërhasin kanë një rrezikshmëri tri herë më të lartë për të zhvilluar demencën, paralajmërojnë shkencëtarët.

Shkencëtarët australianë tashmë kanë publikuar studimin e parë të këtij lloji për të zbuluar edhe trajtimin e kushteve që parandalojnë demencën.

Profesoresha Elizabeth Coulson, nga Instituti i Queensland tha se “trajtimi i apneas së gjumit redukton rrezikun e demencës”.

“Njerëzit që vuajnë prej saj kan tri herë gjasa më shumë të zhvillojnë sëmundjen e Alzheimer. Kjo ndodh për shkak të hypoxia-s, niveli i ulët i oksigjenit në gjak për shkak të frymëmarrjes së varfër, shkakton vdekjen e qelizave nervore”, tha ajo.

Apnea ndodh kur muskujt dhe indet e buta në fyt zbuten duke shkaktuar bllokim të rrugëve të frymëmarrjes. Ajo ndikon në frymëmarrje, duke e ndaluar për periudha të shkurtra disa herë gjatë natës, duke ulur nivelin e oksigjenit.