Foto: Facebook
Dy Super-Përballje në Ligën e Kampionëve
Real Madridi, që ka fituar dy edicionet e fundit të Ligës së Kampionëve do të ketë punë të vështirë kundër PSG. Kjo e fundit bëri blerje të shtrenjta në verën që lamë pas, duke transferuar Neymarin për 222 milionë euro dhe Mbapen.
Kundërshtar të vështirë do të ketë edhe Barcelona, që do të përballet me Chelsean. Përballjet në mes këtyre ekipeve ka qenë gjithmonë të tensionuara në të kaluarën.
Duel tjetër interesant, do të jetë edhe ai ndërmjet Juventusit dhe Tottenhamit.
Ndeshjet e para të kësaj faze, do të zhvillohen në muajin shkurt në datat: 13, 14 dhe 20, 21. Ndërsa ato të kthimit më 6/7 e 13/14 mars të vitit të ardhshëm. Më poshtë, janë të gjitha çiftet e 1/8 të finales të Ligës së Kampionëve:
Juventus – Tottenham
Basel – Man. City
Porto – Liverpool
Sevilla – Man. Utd
Real Madrid – PSG
Shakhtar D. – Roma
Chelsea – Barcelona
Bayern M. – Beshiktash