Stolisja e Pjetërshanit | Foto: Facebook
Ndriçimi i Fshatit Pjetërshan për Krishtlindje
25.12.2017 - 11:30
Fshati Pjetërshan në Gjakovë edhe këtë vit ka vazhduar traditën e dekorimit dhe ndriçimit për krishtlindjet dhe për Vitin e Ri.
Për disa ditë me radhë, shumë djem të rinj të këtij fshati dhe fshatrave përreth, punuan që ky dekorim të ketë një pamje të mahnitshme.
Rreth 1500 euro u mblodhën nga bashkëfshatarët për të ndriçuar oborrin e kishës dhe një pjesë të fshatit.
Banorët e fshatit thanë se vizitorë të ndryshëm e vizitojnë këtë vend këto ditë për festat e fundvitit dhe mahniten me bukurinë e tij.