Mustafa: Shënjimi i Kufirit i Hap Udhën Shumë Proceseve
21.3.2018 - 19:42
Kryetari i LDK-së, Isa Mustafa, ka reaguar pas ratifikimit të Marrëveshjes së Demarkacionit me Malin e Zi.
Ai ka shfaqur shpresën se shënjimi i kufirit me Malin e Zi i hap udhën shumë proceseve për Kosovën.
Ai ka lavdëruar partinë e tij, duke thënë se me votimin e Demarkacionit dëshmoi se është parti që i mbron vetëm interesat e Republikës së Kosovës dhe të qytetarëve të saj.
Ky është postimi i plotë i Isa Mustafës në profilin e tij në “Facebook”:
“Shënjimi i Kufirit me Malin e Zi i hap udhën shumë proceseve për Kosovën.
LDK-ja, duke e bërë të mundshëm këtë hap të madh përpara, dëshmoi se është parti që i mbron vetëm interesat e Republikës së Kosovës dhe të qytetarëve të saj. Urime!”.