Mustafa, Delawie e Apostolova në Kuvend
09.5.2017 - 11:32
Si duket, bisedimet për demarkacionin dhe fatin politik të qeverisë së Kosovës, të nisura dje me intensitet të shtuar, do të vazhdojnë edhe gjatë ditës së sotme.
Në objektin e kuvendit kanë hyrë edhe shumica e deputetëve te LDK-së.
Paraprakisht, në objektin e Qeverisë është zhvilluar një takim mes Kryeministrit Mustafa dhe Ambasadorit Delawie ku kanë qenë të pranishëm edhe dy nënkryetarët e LDK-së, Agim Veliu e Lutfi Haziri.
Takime Veseli- Mustafa- Delawie ka pasur edhe gjatë ditës së djeshme ku është biseduar për procedimin në Kuvend të marrëveshjes për demarkacionin.
Mbledhja e qeverisë e pritur të mbahej dje, është shtyrë në pritje të rezultatit të mocionit të mosbesimit që opozita ka ngritur ndaj qeverisë. Mocioni do të mbahet nesër.