Ministria Ndan 10 Mijë Euro për Kampionen e BodyBuilding

Kujtim Gashi, Ministër për Kulturë Rini dhe Sport ka ndarë shpërblim për sportisten Gentiana Beqa dhe trajnerin e saj Elvin Beqa.

Në bazë të rregullores për rezultate kulmore në sport, ministri Gashi ka ndarë shpërblim prej 10 mijë euro për sportisten Gentiana Beqa dhe 5 mijë euro për trajnerin e saj.

Beqa në Kampionatin e Botëror të Bodybuildingut dhe Fitnesit, mbajtur në Biarritz të Francës, ka fituar Medaljen e Artë. Me këtë rast, ministri Gashi uroi Beqën për suksesin e arritur dhe premtoi se do t’i mbështesë të gjithë sportistët që i sjellin çmime dhe rezultate të mira Kosovës.

“Ju uroj për çmimin. Ministria do të ju përkrah në të gjitha fazat. Do t’i mbështesë të gjithë sportet dhe sportistët që arrijnë rezultate” u shpreh Shala.

Sportistja Beqa tha se ndjehet e lumtur që po vlerësohet për suksesin e arritur. “Ka qenë rrugë e gjatë dhe u shpërblye. Ka edhe një ftese, Spanja nuk na njeh dhe e kam një ftesë speciale nga Madridi ku më ftojnë në prill, e kam sjellë si lloj dëshmie. Synoj që të jem edhe në 2018 dhe ti rrëmbejë të gjitha trofetë”, është shprehur Gentiana Beqa.