Ministri i MPMS-së, Skender Reçica - Foto: Facebook

Ministri Ngushëllon për Vdekjen e Punëtorit

Ministri Skender Reçica ngushëlloi sot familjen e punëtorit të vdekur të KEK-ut.

Pas vdekjes së punëtorit të KEK-ut Fehmi Salihu, ka reaguar ministri i Punës dhe Mirëqenies Sociale Skender Reçica.

Sipas një komunikate të lëshuar nga ministria, ministri Reçica ka shprehur keqardhje dhe ngushëllime për këtë vdekje.

“Me keqardhje e pranova lajmin për vdekjen e punëtorit të Korporatës Energjetike të Kosovës, në vendin e tij të punës. U shpreh ngushëllimet më të sinqerta familjes së të ndjerit”, ka thënë ministri Reçica, sipas komunikatës.

Ministri më tutje tha se do të punohet që vdekjet në vendet e punës të minimizohen.

“Ne, si MPMS, jemi të angazhuar që rastet me fatalitet si dhe lëndimet në vendin e punës të minimizohen duke kërkuar që Ligji për Siguri dhe Shëndet në Punë të zbatohet me përpikëri”, tha ministri Reçica.

Ngushëllime për vdekjen familjes së punëtorit të KEK-ut i shprehu edeh kjo korporatë, ndërsa detaje për këtë vdekje dha edhe policia.

KEK-u Shpreh Ngushëllime dhe Tregon si Vdiq Punëtori i Tij

http://kallxo.com/punetori-kek-ut-vdiq-pasi-ra-nga-lartesia/

03 Shkurt 2018 - 15:26

Bekim Muhaxheri 03/02/2018 - 15:26
NDËRVEPRIMI0
Prishtina Insight
NA NDIQNI

Send this to a friend